Sululimmik taperserneqarput
Air Greenlandip Timersoqatigiit kattuffiannut aningaasaliisuuneranik isumaqatigiissut sivitsorneqarpoq. Isumaqatigiissut atorlugu klubbit timmisartumik attartornikkut unammiartorsinnaapput taamalu Air Greenlandip timmisartuussinissamut pilersaarutai pituttorfigivallaaarnagit.
- Nuannaarutigaarput ukiorpassuarni GIF-mik suleqateqarnerput ingerlaqqissinnaammat. Uagummi Air Greenlandimi timersorneq inuiaqatigiinni pingaaruteqarluinnartutut isigaarput, Air Greenlandip aningaasarsiornermut pisortaa Christian Keldsen oqarpoq.
Pissartanngorniunnerit amerlanersaat upernaakkut ingerlanneqartarput GM-it arlalissuit porskikkunni ingerlanneqartartumik piffissamilu tassanerpoq Air Greenlandip timmisartuussiffigisagaani ulapaarneqartarpoq.
- Nuannaarutigaarput suleqatigiinnerput Air Greenlandimit nanginniarneqarmat. Assorujussuaq pingaaruteqarpoq Air Greenlandip akikillisaasinnaaneranik timersortartut atuisinnaanerat pingaartumik timmisartumik attartornermut atatillugu, taamaammat Air Greenlandip timersornermik siuarsaaqataaniarnera nuannerpoq, GIFimi siulittaasoq Nuka Kleemann oqarpoq.
