Klubbimi unammiuaaqataasut Brugsenimit checki tunissutaasoq nittarsaappaatAssi: B-67 badminton

Sulorarneq: Anna nukappiaqqani ajugaavoq

Sulorarnermi Nuummi unammiuaartoqarnerani inuusuttuaqqat arlallit siuariaallapput. Coronali aamma sunniuteqarpoq

Sulorarnermi Nuummi unammiuaarneq erinitsaassimaneqartoq sapaammi ualikkut naammassivoq.

B-67-mi klubbimi pissartanngorniunneruvoq tassanilu ukioqatigiit U-13-niit inersimasut ilanngullugit ujammit pillugit unammipput. Coronali pissutigalugu GM-rtoqannginnera unammisartut ilaanni malunnarpoq.

- GM taamaatinneqarmat arlallit unikkaluarput. Aamma takusinnaavara unammisartut pikkorissusaat appaallalaarsimasoq. Kisianni aamma malunnarpoq unamminissaq erinitsaanneqarsimasoq taamaammallu unammilluataartoqarluni, B-67 badmintonimi sungiusaasoq Albrecht Damgaard oqarpoq.

Ukiut qulikkaat arlallit taanna inuusuttuaqqani sungiusaasuuvoq. Taassuma nuannaarutigaa inuusuttuaqqat neriunaatillit takkussuutilermata kinguaariit nikinnissaannut isumalluaammernartumik.

Brugsenimit tunissut

U-15-ni unammisartoq Anna Arleth pikkorinnerusunik unammisaqarusulluni nukappiaqqat ataasiakkaarneranni unammeqataagami kultinnappoq. Iligisani Emilie Sørensen maanna U-17-usoq iligalugu aamma arnat inersimasut iligiiaarneranni kultinnapput. Kultinnannissartik sioqqullugu misilittagaqarnerit arlallit ajugaaffigaat.

Arnat angutillu inersimasuni akuleriillutik unammineranni Emilie Sørensen aamma kultinnarpoq pingasoriarluni kultinnattoq Jens Frederik Nielsen aamma Naalakkersuisuni ilaasortatut ilisimaneqartoq iligalugu.

Nukappiaqqani U-17-ni unammisartut Inuk Lennert aamma Julian Arleth inersimasuni aamma unammeqataapput ujaminnanniunnerilli angunagit

- Kisianni inersimasunut akiuulluaqaat. Nukappiaqqat niviarsiaqqallu U-15-it U-17-nillu takutitsilluaqaat, Albrecht Damgaard eqikkaavoq.

B-67 badmintonimi pisut klubbimi sungiusaasup kisimi maluginngilai. Tassani periarfissaq iluatsillugu Brugseni checkimik 5.000 koruuninik aningaasartalinnik tunniussaqarpoq. Tassuuna takutinniarpaat klubbip ilaasortaminut sullissilluarnera ilalernartuutinneqartoq.

 

Aajuku B-67 badmintonimi unammiuartuni ujaminnattut:

U-13
Angutit ataasiakkaarnerat:

1. Gustav Kuhn Jensen

2. William Munch

Angutit iligiiaarnerat:

1. Gustav Kuhn Jensen – Mingus Kreutzmann
2. David Petersen – Jack Petersen

Arnat ataasiakkaarnerat:

1. Bella Nielsen
2. Emilia Juhl-Nielsen

U-15
Angutit ataasiakkaarnerat:

1. Anna Arleth

2. Victor Pedersen

Angutit iligiiaarnerat:

1. Victor Pedersen – Noah Isbosethsen
2. Calvin Christiansen – Ujarnaq Broberg

U-17
Angutit ataasiakkaarnerat:

1. Julian Arleth
2. Noah Isbosethsen

Angutit iligiiaarnerat:

1. Inuk Lennert – Julian Arleth
2. Noah Isbosethsen – Victor Pedersen

U-19
Angutit ataasiakkaarnerat:

1. Nikkulaannguaq Berthelsen
2. Abia Kreutzmann

Herresenior
Angutit ataasiakkaarnerat:

1. Jens Frederik Nielsen
2. Sequssuna Fleischer Schmidt

Angutit iligiiaarnerat:

1. Jens Frederik Nielsen - Sequssuna Fleischer Schmidt
2. Nick Ørbæk Jacobsen – Thomas Madsen

Arnat ataasiakkaarnerat:

1. Tina A. Rafaelsen
2. Karolina Josenius

Arnat iligiiaarnerat:

1. Anna Arleth – Emilie Sørensen
2. Miinannguaq S. Petersen – Pilunnguaq Hegelund

Arnat angutillu akuleriillutik iligiiaarnerat:

1. Jens Frederik Nielsen – Emilie Sørensen
2. Julian Arleth – Ina Pedersen

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat