Sulorarluni pissartanngorniunnermi kalaallit angusarissarluartut
Nunanit assigiinngitsunit peqataaffigineqartumik sulorarnermik pissanngortanngorniunneq Air Greenland Island Badminton Event Nuummi timersortarfimmi Godthåb Hallemi ingerlanneqartumi pisanngortanngorniutivinnerit ingerlanneqaleruttorput.
Pissartanngorniutivinnermi kalaallit unammisartui arlallit anngupput.
Angutit marlukkaarlutik pissartanngorneriunnerat ullumi unammassutigineqarpoq, tassanilu kalaallit imminnut unammipput, tassalu Frederik Elsner Eigel Bay iligalugu unammivaat Bror Madssen Minik Pedersen-ilu.
Bror Madsen Minik Pedersenilu unamminermi ajugaapput. Unammisut pissartanngorniunnermi naligiipput, immikkoortut pingajuanni Bror Madsen Minik Pedersenilu ajugaapput 24 – 22-imik.
Arnat marlukkaarlutik imminnut unamminerat ullumi aammma naammassineqarpoq. Pissartanngorniunnermi unammipuput Savalimmiuninngaaneersut Guri Poulsen Sigrun Smith-ilu taakkua unammivaat Mille Kongstad Aviaaja Geislerilu, tassani ajugaapput Kalaallit nunaanneersut Mille Kongstad, Aviaaja Geislerilu 22-20 inik
21-16 –imik ajugaallutik.
Pissartanngorniutivinnerit allat kalaallinit aamma peqataaffigineqartut maannakkut unammissutigineqarput, KNR TV toqqaannartumik aallakaatitsivoq pissartanngorniutivinnerillu tamakkerlugit aallakaatinneqassallutik, Nuummiikkaanni Nuummi timersortarfimmi Gothåb hallen-mi isiginnnariartoqarsinnaavoq, iserneq akeqanngilaq.
