Sulorallammak Danmarkimi efterskolerfimmini pissartanngortoq

Nunatsinni sulorarnermik pissartanngorniuttarnerni ilisimaneqartoq 16-nik ukiulik Tina Amassen Rafaelsen juullisioriarluni Aasianniippoq. Danmarkimi Efterskolertut pissartanngorniuutsinneqarneranni ataasiakkaarnermi iligiiaarnermilu una qaammat pissartanngorpoq.

Tina Amassen Rafaelsen mikisuullunili angajoqqaani ilagalugit badmintonertalerpoq. Taanna angajoqqaanilu Aasianni sulorartartut peqatigiiffiani ilaasortaaginnaratik siulersuisuni ilaasortatut peqatigiiffimmik ingerlatseqataasuupput.

- Qaatuussariinnarpara. Angajooqqaakka ilaa badmintonertartuupput, taava sungiusarnerisa nalaani aallarteqqaarpunga netsinut anaasineq arsaaraq ileriarlugu, Tina Amassen Rafaelsen oqarpoq.

Tina Maannakkut Rønde efterskolemi atuartuuvoq, Rønde efterskolemiinnerminilu sulorarneq sukumiisumik ingerlallugu. Atuarfinilu iluareqaa.

- Assorujussuaq. Aamma oqaatigineqarpoq Rønde efterskole badmintonertartunut pitsaanerpaamik inissisimasoq, Rønde efterskole. Taamaattumik aamma atorluaavunga.

Atorluaaneralumi naqissuserlugulusooq uani qaammammi Danmarkimi efterskolertut pissartanngorniutsinneqarneranni Tina ataasiakkaarnermi iligiiaarnermilu ajugaavoq.

Nr. 1-ngoravit qanoq misigisimavit tassami?

- Iyas!!

Rønde efterskolemiitilluni unammisartutut eqqarsarluararsinnaaneq ineritissimavaa.

- Qanoq eqqarsaruma pitsaanerua, timersornerinnaanngittumi aamma eqqarsartaatsikkut. Soorlu assersuut, pissuserissaarluni akisussaaffimmik tigusisinnaaneq qanorsuarluunniit kukkutigingaluaruma ajunngitsumik taarsiinnarlugu.

Unammisaraannilumi, ilaanni pikkunarsinnaasarpoq. Qamuunali nukittuujunissap angunissaanut iluaqutissaqartoq Tinap ilikkarsimavaa.

- Iluaqutaasorujussuusoq aamma yogarneq. Taava yoga misilillatsiarpara, aamma malugivara iluaqutaasoq ilimagisanni, soorlu yoga iluaqutaasorujuuvoq, Tina Amassen Rafaelsen oqarpoq.

 

Qanorooq 19.12.2018

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat