Sullualummi sakkutuut sungiusartarfittaassagunarput

Sakkutuut umiarsualivissaat, sakkutuullu issittumi sungiusartarfissaat.

Tamakkuupput Canadap Nunavumi pilersikkumasai. Canadap ministeriunerata, Stephen Harperip, naalakkersuisoqatinilu Canadap issittortaanik piginnittussaasutut pingaartitsisutut taasimavai.

Issittumi aniguiniarluni periaatsit Canadamiut sakkutuujutaanit ilinniarneqartalernissaat anguniagaavoq.

Inuit sakkutuujutaat, The Rangers, sungiusartarfimmi ilinniartitsunngortinniarneqarput.

Ukiorpassuit matuma siornatigut issittumi sakkutuunik peqarsimagaluarpoq, ukiulli 30.-ngajaat qaangiupput taamaattoqarmalli.

Sullualummi angallattoqalersinnaanissaa ukiulunnguit qaangiuppata ammaassiffigineqarsinnaalissagunarmat, issittumi sakkutuuliinissaq pingaaruteqarneruleriartuinnarsimavoq.

Sungiusartarfissaq suliffissarpassuarnik pilersitsiffiusinnaavoq, taamaammallu Nunavumi nunaqarfiit arlallit sungiusartarfeqalersinnaanertik nittarsaassutigilersimallugu.

Sullualummiittorli Resolute Bay, inuktitut Qausuittuq, piukkunnarnerpaatut sakkutuut naalagarsuanit Rousseau-mit taaneqarpoq.

Qausuittumi illoqareerlunilu timmisartorsuillu miffigisinnaasaannik mittarfeqareerluni.