Sullualuk paggaatilerpaat

Canadap nunattalu imartaani Sullualummi umiarsuarnik nakkutilliisussanik sanaartornissaq, Canadap premierministeriata Stephen Harperip ippassaq nalunaarutigereeraalu, USA aamma taama iliornialerpoq.

- Sullualummi USA-p sakkutuuisa ersarinnerulernissaat pisariaqarpoq, USA-mi kontreadmirali Timothy MC Gee, Washingtonimi tusagassiortunik katersortitsinermi taama oqartoq nutaarsiassaqartitsivik Bloomberg allappoq.

- Sikup aakkaluttuinnarnera pissutaalluni nakkutillisinnaasunik pisariaqartitsivugut, USA-p sineriaani nakkutilliinermi kontreadmirali Brian Salerno tusagassiortunik katersortitsinermi aamma ilaasoq oqarpoq.

- Sullualuk uuliaqarfioriaannaavoq, silallu kissakkaluttuinnarneranut atatillugu, nunarsuup innaallagiuteqarneranut piareersimasariaqarpugut. Taammaammat sikusiutinik umiarsualiornissanut immaqalu aamma timmsiartuliornissanut immikkut aningaasaliisoqartariaqarpoq, Salerno oqarpoq.

Nutaarsiassaqartitsivik Bloomberg isumaqarpoq, Sullualuk pillugu Canadap USA-llu akornanni pissaaneqarniunneq aallartinneqartoq.