Sullivinnik nalilersuisarnerit ilinniartitsisut atugaannik pitsanngorsaassapput

Sullivinni nalilersuinerit sulliviup qanoq ingerlalluartigineranik takussutissiisuusinnaapput, taamaalillutik ajornartorsiutaasartunut qulakkeerinnissutitut atorneqarsinnaallutik.

- Suliffimmi atukkat ajoraangata napparsimakulanerit suliunnaarnerillu pisalersarput. Taamaattumik sullivik nuannersuussappat sullivimmi atukkat pingaarnertut inissinniartariaqarput, Sivso Dorph oqarpoq.

- Sullivinni nalilersuisarnerup takussusertussaavaa sullivik taanna pineqartoq sukkut aaqqiiffigineqartariaqartoq, taannalu atorlugu suliassaq aallartinneqarsinnaasunngorluni. Taamaattumik pingaartittorujussuuarput sullivinnik nalilersuisarnerup piaartumik atuarfinni tamani aamma atuutsinneqalernissaa. Atuarfiit ilaanni taanna misilinneqarnikuuvoq, taamaalilluni aamma aaqqitassanut iliuuseqarnerit aallartinneqarnikuullutik,

Sivso Dorph, IMAK-ip siulittaasua taama oqarpoq.