Sullivimmi isumannaallisaanermut inatsit nutaaq!
Suliffimmi isumannaallisaanikkut pissutsit pillugit inatsit nutaaq januaarip aallaqqaataani atulerpoq.
Inatsimmi tassani assigiinngitsorpassuit inatsisiliuunneqarput, ilaatigut sullivimmi ajutoortoqannginnissaa kiisalu sullivimmi peqqinnissaq pingaarnerutinneqarlutik.
Pingaarnertut sanaartornikkut sullivinni malittarisassat nutaat sukaterneqarput. Taamaalilluni sanaartortitsisut siunissami ajunnginnerusunik isumannaallisaanikkut pilersaarusiornikkullu malittarisassaqarsinnaalersillugit.
Sanaartorfiit illersorneqarsinnaasumik aaqqissuussamillu sullivigineqartassapput, sulisunut ajoqusiisinnaajunnaarlugit.
Taamatuttaaq meeqqat sulisinneqartarnerat inatsisiliuunneqarpoq, minnerpaamik meeqqat qulit 13-illu akornanni ukiullit sulisinneqarsinnaanngorlugit. Taamalu meeqqat atuartut ilinniartullu atuarnermi avataatigut sulisartut sulisinneqartarnerat assigiinngitsutigut sukateriffigineqarlunittaaq.
Sullivimmi isumannaallisaanikkut inatsisip nutaap pisortatigoortumik saqqummiunneqarnera kingusinaartoq aammattaaq oqaatigineqarpoq. Tamatumunnga peqqutaatinneqarluni, juullilernerani feeriartoqarnera pissutigalugu tusarniaanerup sivitsorneqarsimanera. Aatsaallu ippassaq, tassa inatsisip atuutilerneraniit ullut pingasut qaangiummata avammut saqqummiunneqarluni.
