Kalaallit Nunaanni ilinniarfissarsuaq Ilimmarfik sanaartorneqarluni naammassiartorneqaruttulerpoq, sapaatillu akunnerata tulliani iserterlugu aallartiffigineqassalluni.
Nunatsinni sanaartornerni annerni inatsisit malillugit ilinniartoqarnissaq piumasaaqaataagaluartoq, Ilimmarfimmut sulinerup nalaani alakkaanitsinni naapitaqanngilagut, kiisalu inuit ilaat ilinniartunik naapitsisimanatik oqarlutik.
Sanasumiillu uggorineqarluni Ilimmarfik illorsuaq taama angitigisoq ilinniartumik takusimannginnami, illorsuarmi ilinniarfigissallugu piukkunaraluarmat.
Ilimmarfiup silataani naapippara qarmaasoq, qarmaasullu oqaatigaa Ilimmarfik sananeqalermalli sanaqataalersimalluni kisialli suliffimmik misiliisumik naapitaqarsimanani oqarpoq.
Namminersornerullutik Oqartussat nalunaarutaat nr.15 5. juli 2007 –meersumi allassimavoq sanaartortitsinermi suliassaq 3 millioni koruuninik naleqaraangat ataatsimik ilinniartuuteqartassasut, taamatullu suliassaq 6 millioni koruuninik sinneqarpat ilinniartunik marlunnik peqartassasut. Aningaasallu amerlanerit aningaasartuutigineqassagaanngata ilinniartut amerlanerit ilinniartuutigineqartassasut nalunaarummi allaqqavoq.
Ilimmarfik 186 millioni koruuninik naleqarpoq.
Sanaartornermi akisussaasunik oqartitsiniaraluaratta iluatsitinngilagut.