Sullissiviup Nuup ingerlaannassaaq

Sullissivik Nuuk suliffissaqartitsiniarnermik annertuumik pilersaarutilik, Nuup Kommunea suleqatigalugu siorna aallartisarneqarpoq. Suliniutillu ingerlaannarnissaa kommunemi suliaq pillugu suleqatigiissitap innersuussutigaa.

- Nalilersuineq suleqatigiissitami misissorsimavarput, pilersaarusiaq malinnaavigeqqissaarparput.  Pilersaarutit pillugit ilisimatinneqartuartarpugut. Pilersaarusiarlu pissanganartutut neriulluarnartutullu isigaarput. Vibeke Møller Jensen, Nuup kommuneani isumaginninnermi pisortaq oqarpoq.

Suliniutip ingerlasimanera sivikikkaluartoq suliniutit amerlasuut aallartinneqareermata ingerlaannarnissaa suleqatigiissitamit innersuussutigineqartoq oqaatigaa. 

Sullissiviup Nuup, suliffissarsiuussisarfiit nalinginnaasut assiginngilai.

Suliffissaaleqisut suliffissaannik innersuutiinnarnagit, ataasiakkaarlugit pisariaqartitaannik nalilersueqatigalugit ingerlariaqqinnissaannik ikiorneqartarput, neqeroorutillu ilagaat, inuttut ineriartornermi pikkorissarneq.

Marie Olsen, 33-nik ukiulik, isumaginninnermi ikiortitut ilinniagalik, siorna suliffeeruppoq.

Suliffissarsiortut allat assigalugit, Sullissivik Nuummit, Katuami ataatsimiinnermut aggersarneqarpoq, tassanilu sapaatip akunneranik sivisussuseqartumik inuttut ineriartornermik pikkorissarnissamut neqeroorfigineqarluni.

- Katuami ataatsimiinnissamut aggersarneqarpugut, tassungalu peqataavunga. Pikkorissarnermut peqataasut arlaqarpugut, assullu pissarsiaqarfigaarput.

Ingerlaqqikkusuppunga, takorloorparalu uninngaannarnanga suliffittaassallunga. Imminut  tatiginerput aamma annerulerpoq, Marie Olsen oqaluttuarpoq.

Marie Olsen massakkut taartaasarfissaminik nassaarsimavoq, neriuutigaalu qanittukkut ataavartumik suliffittaarsinnaanissi.

Nuup Kommuneani isumaginninnermut pisortaq, Vibeke Møller Jensen isumaqarpoq suleriaaseq taamaattoq sinerissami aamma atorluarneqarsinnaasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat