Sullissivik kinguaattooqqasoq piariilerpoq
Nittartagaq nutaaq taaguuteqartussaq Sullissivik.gl, Nuummi Katuami januaarip 27-anni tusagassiorfinnut saqqummiunneqassaaq.
Namminersorlutik Oqartussat aamma kommunit kattuffiata KANUKOKAp qaaqqusissutaani ilanngullugu oqaatigineqarpoq, tamatuma kinguneranik inuttut nammineq pisinnaatitaaffiit pisussaaffiillu ajornaatsumik suussusersineqarsinnaalissapput. Taamattaarlu pisortat allaffiisa ammanerisa avataatigut imminut sullinneq ajornarunnaassalluni.
Innuttaasunut nittartakkami, ukiuni arlalinni piareersarneqarsimasumi, sukkasuumik ajornaatsumillu makku iserfigineqarsinnaassapput: Ilitsersuutit paasiuminartut, qinnuteqarnissamut immersuiffissat assigiinngitsut, inatsisit atuuttut, attaveqarfissanut paasissutissat nittartakkanullu allannut innersuussuutit.
Innuttaasunut nittartagaq nutaaq Naalakkersuisunut ilaasortamit Jens B. Frederiksenimit aamma KANUKOKAp siulittaasuanit Martha Abelsenimit saqqummiunneqassaaq.