Sullissineq arriippallaarnerarlugu EPI maalaaruteqarpoq
EPI kaammattuuteqarluni allappoq, eqqumiitsuliortunut sulialinnut aningaasaliissutinik agguaassisarneq erloqinartumik, Namminersorlutik Oqartussat atugassaqartitsimmata, eqqaaneqarlunilu Namminersorlutik Oqartussat ataanni kulturikkut aningaasaliiffigineqarsinnaasunut qinuteqarfigineqarsinnaasut arlallit suliarineqarnerinut ullut piffissaliussat.
Filmiliortartunut aningaasaliissutinut qinnuteqarfigineqarsinnaasut, marsip aallaqqaataanut killeqartinneqartoq eqqanneqarpoq, taakkulu sivikinnerpaamik sapaatip akunneri tallimat qaangiukkaangata akineqartartussaasut eqqaasitsissutigineqarluni. Taakkununngali qinnuteqaatit sapaatit akunnerini 14-inngulersuni, kultureqarnermut naalakkersuisoqarfimmit qisuariarfigineqarsimanngillat.
Assersuut alla eqqaaneqartoq tassaavoq, Tips aamma Lotto-p aningaasaateqarfianut qinnuteqarnissamut killissarititaasoq apriilip ulluisa 15-at qaangiutereeraluartoq, suli akissutisisoqarsiamnnginnera. Tamatuma kingunereriaannaavaa, Nunatsinni erinarsoqatigiit Sisimiuni katersuunnissaat, juunip 17-anni pisussaq taamaatittariaqalersinnaammat.
Eqqumiitsuliornikkut Pinngorartitsisut Ingerlatsisullu Nunavummi eqqumiitsuliortunik paarlasseqatigiinissamut tunngatillugu, aningaasanik qinnuteqaat suli aamma akineqarsimanngitsoq aamma maalaarutigineqarpoq. Tamassumungga qinnuteqarfissatut ulloq kingulleq tassaagaluarpoq, febeuaarip 15-niat.
Taamaattumik EPI-p Nick Nielsen kaammattorpaat, Namminersorlutik Oqartussat kulturikkut immikkoortortaqarfiata naammassinnissinnaanera qaffassaqqullugu.