Suliunnaarnersiutinik atorunnaarsitsinissaq angujuminaatsissaqaat
Tassa qinersisartut 400.000-init sinneqartut partiimik qinertakkaminnik allanngortitsisinnaappata aatsaat anguniagartik angusinnaassagamikku, Danmarkimi qinersisartunik isumasiuinerup kingulliup tamanna ersersippaa.
- Suliunnaarnersiuteqarnerup atorunnaarsikkiartuaarneqarnissaa, naalakkersuisut siunnersuutiginiarpaat.
Ministeriunerup Lars Løkke Rasmussenip ukiortaami oqalugiaammini suliunnaarnersiuteqarnerup atorunnaarsinneqarnissaanik oqaaseqarneratigut oqallinneq aallartippoq.
- Suliunnaanersiuteqartitsinikkut inuit ukiuni arlalinni suli sulisinnaagaluarlutik suliunnaartarput, Lars Løkke Rasmussen oqarpoq.
Taamatut oqaaseqarneratigut folketingimut qineqqusaarneq aallartinneqarpoq. Taamaattorli ministeriunermut partiinullu allanut suliunnaarnersiuteqarnermik atorunnaarsitserusuttunut unammilligassat imaannaanngillat. Tassami suliunnaarnersiuteqarnerup atorunnaarsinnissaanut massakkuugallartoq amerlanerussuteqartoqanngilaq. Epinionillu qinersisartunik isumasiuinera naapertorlugu, aaqqissuussineq atorunnaarsinneqassappat, qinersisoqalerpat qinersisartut 400.000-it partiimit suliunnaarnersiutinik attassiinnarusuttunit atorunnaarsitserusuttunut nuuttariaqassapput.
Qinersisartut 13 procentiinnaat suliunnaarnersiutinik ukiut tallimat matuma siorna allannguititserusukkaluartut 41 procentii ullumikkut allannguititserusupput.