Suliumajunnaarnissaq mattussinissarlu pinaveersaarniarlugu isumaqatigiissusiorniarput

Timmisartuutileqatigiiffik Air Greenland timmisartunilu inuttat isumaqatigiinniassallutik Københavnimi ungasinngitsukkut ataatsimiipput. Illuatungeriilli oqaaseqarumanngikkallarput.
Allattoq Knud Reimer
juunip 19-at 2012 06:30

Aningaasarsiatigut isumaqatigiissutissaq juunip 25-iat tikitsinnagu iluatsinneqarsinnaanngippat timmisartuni inuttat suliumajunnaarniarlutik siorasaarutigereerpaat, Air Greenlandillu sulisutik juunip 26-iani mattunniarlugit akisillutik siorasaarutigisimallugu.

Kisiannili tassa nalunaaquttap-akunnerini makkunanerpiaq naapeqatigiipput, iluatsitsisinnaassappatalu suliumajunnaarnissaraluaq mattussinissarluunniit pisariaarutissagaluarpoq.

Tassa Air Greenlandip timmisartuutaani ilaasussarpassuit feeriartussat isumaqatigiinniarnerit pissangallutik naammagittarlutillu utaqqeqqaartariaqassavaat.

Illuatungeriilli isumaqatigiinniarnerit ullumi iluatsinnissaat isumalluarfiginerarlugu tamarmik oqaatigereerpaat.

Suliumajunnaartoqassagaluarpalli ilaasussat qasserpiaat eqqugaassanersut suli iluamik paasinarsinngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq