Sulisutik angerlartippaat
Allattoq Mads Lynge
Ikiuiniaqatigiiffiit arlallit sulisutik 250-init amerlanerusut Sudanimi Darfurimit angerlartissimavaat.
Sulisut navianartorsiortinneqarnissaat annilaanngatigigamikku ikiuiniaqatigiiffiit sulisutik angerlartippaat.
Inunnut 500.000-inut ikiuiniarneq taamaasilluni ajornakusuulissaaq.
Sulisutik annertunerujartuinnavissumik sakkutuunit pinerlunnianillu saassunneqartartut ikiuiniaqatigiiffiit Oxfam kiisalu Norge-p qimaasunut ikiuiniaqatigiiffia oqaatigaat.
Tamanna pissutigalugu pikitsitsiniat naalagaaffiullu sakkutuuisa akornanni eqqisseqatigiittoqarnissaannik kaammattuisoqarpoq.