Sulisut ukiortaamiit qanoq pinissaat isumakuluutigaa
Nunaqarfinnut KNI-p ukiortaamiit nioqqutissanik assartuisalernissaani ilaasunillu kiffartuussisalernissaani kikkut sulisorineqassanersut Royal Arctic Linep siulersuisuisa siulittaasuata Jørgen Høyp paaserusuppaa.
Royal Arctic Linep siulersuisuisa siulittaasuat Jørgen Høy allappoq, nunaqarfiit pajuttorneqartarnerat Royal Arctic Linemi sulisut 50-t maanna isumagisarimmassuk, KNI ukiortaamit isumaginnittalerpat Royal Arctic Linemi sulisut 50-t nuutinneqassanersut Royal Arctic Linemiilluunniit soraarsinneqassanersut piginnittunit paaserusullugu.
Royal Arctic Linemi sulisut paasissutissanik siulersuisunit suli tunineqarsinnaasimanngillat, KNI-llu maanna pilersaarutigaa nunaqarfiit angallatinik attartorluni isumagineqartalissasut, taamaassappallu Royal Arctic Linemi sulisut soraarsinneqartariaqalissasut.
- Tamanna kanngunaqaaq, Royal Arctic Linep siulersuisuisa siulittaasuat allappoq.
Nunaqarfiit isumagineqalernissaannut qaammatit pingasuinnanngortullu KNI imaluunniit suliffeqarfinnik piginnittut qanoq aalajangissanersut suli ilisimaneqaranilu tusarliunneqanngitsoq oqaatigineqarpoq.