Kalaallit illuata Københavnimiittup sullivittut avatangiisai pitsaavallaanngitsutut pasitsaanneqarlutik misissorneqarnialersut AG ullumi saqqummersoq taama allappoq.
Misissuinialernermi pissutaasunut ilaapput, sulisarnerni qaangiuttoortarnerpassuit napparsimakulernerillu.
- Kalaallit illuanni suliassarpassuaqarfiusumi sulisut ikittuinnaaneri ajornartorsiutaavoq, siulersuisuni siulittaasoq Nina Berrig AG-mut oqarpoq.
Sullissisut akornanni ajornartorsiutit annersaraat isumaginninnermi sullissinermi allaffissornerujussuaq.
Assersuutitullu taaneqarpoq Herstedvesterimi paarnaarussat Riskovimilu tarnikkut nappaatilinnut nakkutilliisut suliassaqarpallaarnerat.
Kalaallit illuata iluani suleriaatsip misissuiffigilluarneqarnissaa siulersuisut aalajangerpaat.
- Sulinermi qaangiuttoortarnerit napparsimakulanerillu qaangerneqassappata, misissuilluartariaqarpugut, Nina Berrig naggasiivoq.