Sulisut akikitsut
Kalaallit raajaanik uunneqanngitsunik qalipaajaasarneq maanna akikinneroqisumik Vietnamimi ingerlanneqartalersoq, Royal Greenland-imi tunisassiornermut pisortamit Søren Eschen-mit oqaatigineqarpoq, taama Børsen allaaserinnippoq.
Vietnamimi innuttaasut 80 millioniupput, ukioq kingulleiinnaq Vietnamimi aningaasarsiorneq 8 procentimik qaffariarpoq.
Raajat uunneqanngitsut assaanarmik qalipaajarneqartarput, siornatigullu raajanik uunneqanngitsunik qalipaajaasarneq Thailand-imi ingerlanneqartarsimagaluartoq, akissarsiaat qaffakkaluttuinnarmata, maanna qalipaajaasarneq Vietnamimut nuunneqarpoq, tassani sulisinnaasut akikinnerummata. Raajat uunneqqeqanngitsut qalipaajakkat Japanimut tunisassiarineqartarput, piumalluarneqartarlutillu.
Kalaallit Nunaanni maskiinat atorlugit raajat uunnikut qalipaajarneqartarput. Raajanik uunneqanngitsunik assaannarmik qalipaajaasarneq Danmarkimi imminut akilersinnaanngitsoq, Royal Greenland-imeersoq Søren Eschen aviisimut Børsen-imut aamma oqarpoq.
