Sulisussanik avataaneersunik tikisitsisinnaaneq eqaallisartariaqarpoq

Kalaallit Nunaata Danmarkillu avataanniit sulisussanik tikisitsisinnaanerit oqilisaaffigineqanngippata tamanna inuiaqatigiinnut annertuumik kinguneqapilussinnaavoq.

Tassami peqqissaavinni, Atuarfeqarfimmi, allanilu suliffeqarfinni kiisalu pisortaqarfinni atorfillit piginnaanillit amigaatigineqarput. Aatsitassarsiornermili sulisussaaleqilernissaq eqqaassagutsigu ernumanartoqavissorpoq, Inuussutissarsiornermi piginnaanngorsarnermilu ineriartortitsinermut siunnersuisoqatigiit siulittaasuat, Ellen Christoffersen oqarpoq. Ajornartorsiutip qanoq aaqqiiviginiarneqarnera Ellen Christoffersenip imatut oqaaseqarfigaa.

Nunatsinni sulissaaleqineq ilaatigut Danmarkimiilluuniit tikisitsisinnaanerup killeqalerneratigut nunani allani sulisussarsiornissamut allaffissornikkut kinguarsarneqartarmat tamanna eqaallisartariaqarpoq. Piginnaanilinimmi sulisussaaleqiinnarutta inuiaqatigiinnut tamanna aningaasatigut allatigullumi kinguneqapiluttussaavoq. Taamaammat siunnersuisoqatigiiniit Naalakkersuisunut tamanna suliakkiissutigisimavarput, taakkualu Danmarkimi susassaqaqatiminnik peqataaffigineqartumik suleqatigiissitaliorput qaammatillu ingerlanerani taakkua ataatsimeereerunik qanoq inerniliinerminnik saqqummiussinissaat utaqqimaarallassavarput, Inuussutissarsiornermi piginnaanngorsarnermilu ineriartortitsinermut siunnersuisoqatigiit siulittaasuat, Ellen Christoffersen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat