Sulisussanik amigaateqarneq ineriartortitsinissamut ajoqusiisinnaavoq
Savalimmiuni sulisussanik amigaateqarneq ineriartortsitsinissamut ajoqusiisinnaasoq, Savalimmiuni inuussutissarsiorneq pillugu suliniaqatigiit, ”Færøske Erhvervshus”, nalunaarput.
Sanasunik aalisakkerivinnilu sulisussanik pingaartumik amigaateqartoqarpoq, suliffeqarfiillu taakku sulisussanik ujaasiuaraluarlutik iluatsitsineq ajorput.
- Ineriartorneq taamaaginnassappat Savalimmiuni ineriartornermut innarliisinnaavoq, aaqqiissutaasinnaasunillu ujartuisoqartariaqarpoq, Savalimmiuni sulisitsisut taama nalunaaruteqarput.
Savalimmiuni suliffissaaleqisut katillugit 3,5 procentiugaluarput, Savalimmiunilu sanasussaaleqineq pissuteqarpoq, sanasut Savalimmiormiut nunanut allanut suliartorusunnerusarmata, tassami nunani allani aningaasarsiatigut atugassatigullu periarfissat pitsaanerummata, Færøske Erhvershus taama nalunaarpoq.
