Sulisussaaleqigatta nunasisut oqartussaaffigilertariaqarpagut
Nunasisulli pillugit apeqqut Namminersorneq pillugu isumaliutissiissummi suliarineqareerpoq. Taava sooq massakkut taama piumasaqarpat?
- Namminersorneq eqqummeqarpat oqartusasaffik tigusinnaalissavarput, tamanna inatsisitigut akornutissaqanngilaq. Kisianni qaqugukkut nunasisarneq pillugu oqartussaaffiup nuussinnaajumaarnera naluarput. Taamaattumiguna oqartugut, suliassat takkutereerput, taamaattumik akusissaffik massakkut tigusariaqarparput, Kuupik Kleist oqarpoq.
Taassuma eqqaamaqquaa, inuussutissarsiornikkut massakkut annertuumik ingerlatsinermi, suliat tamakkerlugit sulisussaqartinngikkivut. Taamaammat inuussutissarsiornikkut ineriartornerup ilarujussua nunanit allaniit suliartortitsilluni ingerlanneqartariaqartoq.
- Taamaammallu apeqqutit tamakkua qanoq isumaqarfigineqarnersut paasinissaat pingaartorujussuuvoq. Aappassaattullu; oqartussaaffiginissaat, apeqqutit tamakkununnga tunngassuteqartut nammineq aqussinnaaniassagatsigit, Inuit Ataqatigiit siulittaasuat oqarpoq.
Nunasiumasunut oqartussaanerup tigorusunnera, Danmarkimisulli ajornartorsiuteqalersinnaanermik ernummateqarnermut Kuupik Kleist-ip ersiutaannginnerarpaa.
Uagut aarleqqutiginngikkallarparput, soorlu Dansk Folkeparti politikkikkut ingerlatsineratut nunasisunut akeqqersimaanermik pilertoqarumaartoq, Inuit ataqatigiit siulittasuat naggasivoq.