Sulisunik atorluaanissamik isumaqatigiipput

Paamiuni Royal Arctic Linep immikkoortortaqarfiani assartugalerisut Mittarfimmi sulisorineqartalernissaat suliffeqarfiit taakku marluk akornanni isumaqatigiissutigineqarpoq.
decembarip 16-at 2010 09:13

Sulisorineqartunik atorluaanerunissaq isumaqatigiissummi siunertarineqarpoq.

Mittarfik Paamiut sapaatip akunneranut sisamariarluni timmisartumik miffigineqartarpoq ullunilu arfinilinni ammasarluni. Illuatungaanilu Royal Arctic Line umiarsuarmit sapaatip akunneranut ataasiarluni tulaffigineqartarpoq, sapatillu akunnera tamaat sulisoqartarluni.

Taamaasilluni Paamiunut timmisartumik tikittoqartillugu Royal Arctic Linemi sulisut atorneqartalissapput. Illuatingaanilu Royal Arctic Linemi sulisunik atorfinitsitsinermi Mittarfeqarfinni sulisunik periarfissiinissaq ammaanneqarluni.

Suleqatigiinnerup Royal Arctic Linemut Mittarfeqarfinnullu iluaqutaanissaa Mittarfeqarfinni pisortap Niels Kreutzmannip qularutiginngilaa.

- Mittarfeqarfinni ingerlatsinerup akikinnerulernissaa, pitsaanerulernissaa imminullu akilersinnaanerulernissaa suleqatigiinnermi uani anguniarneqarpoq. Taamatuttaaaq pisortat atuisullu piumasaqaataannik naammassinnittoqarnersoq ataavartumik nakkutigissassarissallutigu, Niels Kreutzmann oqarpoq.

Suleqatigiinneq januaarip aallaqqaataa 2011 aallarnerlugu atuutilissaaq.