Sulisu arlallit soraarsinneqarput
Danmarks Radiumi atorfillit katillutit 104-it suliunnaartussanngorput. Sulisut 67-it soraarsinneqarput, 37-illu DR-imit suliunnaarnissaminnik kissaateqarlutik suliunnaassasut, DRimit nalunaarutigineqarpoq.
aggustip 30-at 2010 06:46
- Suleqatigut pikkorissut arlaqartut inuulluaqqusariaqaratsigit DR-imut nuanniitsorujussuuvoq, DR-imi pisortaaneq Kenneth Plummer oqarpoq.
- Ukiuni tulliuttuni sisamani aningaasat atorneqarsinnaasut killeqarmata taakkua malinneqartariaqarput, allatullu ajornartumik soraarsitsineq pinngitsoorneqarsinnaanngilaq, Kenneth Plummer oqarpoq, nangillunilu:
- Ullumikkut ulloq taamatut ittoq nuannersuunngilaq. Soraarsitsisariaqarneq nuanninngilaq.
Sulisut soraarsinneqarnerat sapinngisamik torersumik ataqqinnippaluttumilllu ingerlanneqarnissaat anguniarsimagitsik, Kenneth Plummer oqarpoq.
Soraarsitsisariaqarneq pissutigalugu TV-kkut aallakaatinneqartartut Talent aammalu Forsvundne danskere aappagumiit aallakaatinneqartarunnaassapput.
