Sulisoqarnermut akitsuuteqalernissaq inatsisartuni ukiamut kinguartinneqarpoq

Inatsisartut akileraartarnermut akitsuusiisarnermullu ataatsimiititaliaata inuussutissarsiuteqartut nutaamik akitsuuteqalernissaannik siunnersuut ukiamut ataatsimiinnissaminnut kinguartippaat. Taamaalilluni inuussutissarsiuteqartut nutaamik akitsuuteqalernissaanik inatsisiuliortoqassanngikkallarpoq.

Akiitsuusiisarnermut inatsisissatut siunnersuutip sulisitsisut inuussutissarsiutertik aqqutigalugu ilinniagaqarnermut akiliutaannut taarsiisussaagaluarpoq.

Nutaatut aalisartut, savaatillit taxartitsisullu ilinniagaqaqqittarnernut ukiumut 12 millioni koruuninik akiitsuutit aqqutigalugit akiliisalissagaluarput.

Siunnersuutip siullermeerluni oqallisigineqarnerani illuatungiliuttut Atassutikkullu siunnersuummut akerliupput.

Siunnersuut naapertorlugu Nuummi taxatillit, Nuuk Taxi, ukiumut 400.000 koruuninik akiliisassagaluarput.

Siunnersuutip ukiaru ataatsimiinnissamut kinguartinneqarnera pisortap Karen Bøggildip naammagisimaarpaa.

- Neriuppugut tusarneqarsinnaassalluta. Akitsuutissap nutaap isumaqatigiissutiginissaa neriuutigaarput, taxaatillit pisortaat oqarpoq.