Sulisitsisut sumiginnaapput

Sulisartut arlallit suliffimmi isumannaallisaaneq pitsaanngitsoq pillugu naammagittaalliortut SIK-mit tusartuarneqarput. Sulisut sinnerlugit isumannaallisaanermut pikkorissaanernut peqataasartut amerliartoraluartut taamaattoq, sanaartorfinni sulisut sulisitsisunit tusaanngitsuusaarneqartartut, Sulinermik Inuussutissarsiuteqartut Kattuffianni allattuuneq Beathe Hendriksen oqarpoq.

-Isumannaallisaanermut pikkorissartitsinermut peqataasartut ilaatigut unnerluasarput pikkorissareernermik kingorna paasisatik aallaavigalugit pitsanngorsaatissanik siunnersuuteqaraluaraangamik sulisitsisuminngaanniit allaat assortorneqartarlutik.

Qanoq?

-Ilaa, tassani suliffeqarfimmi isumannaallisaatit assigiinngitsut nammineq atortariaqakkatik taakkua inatsit malillugu malinneqartussat, atortinneqartussat, ilaatigut atortinneqarneq ajormata.

Sorpiaammitaavaaku isumannaallisaanermut tunngasut amigaatigineqartartut?

-Soorlu sanaartorfinni ilaatigut nasat niaquernaveeqqutit aammalu qitequtit, soorlu nakkariataassagaluarunik iluaqutigisinnaasaat aammalu immaqa støvlit soorlu quaannaveeqqutillit sermeqarpat masappalluunniit sanaartorfimmi atorsinnaasut. Tamakku ilaatigut taagorneqarsinnaapput.

Beathe Hendriksen taama oqarpoq. Radioavisimi ippassigami oqaluttuaraarput angut sanaartorfimmi sulisoq, illup qalianit quaalluni nakkaraluarluni allunaasartalimmik qitequteqarallartilluni annaqqavissimasoq. Sulinermi isumallaallisaatinik atortoqarnini ullumikkut qujamasuutigeqaa, oqarporli suliffinni arlalinni isumannaallisaaneq pitsaanngitsoq siumoraangamiuk uparuaatini tusaaneqarneq ajortut. Suliffeqarfippassuarni pissutsit taamaannerat SIK-mit arajutsisimaneqanngilaq:

-Isumannaallisaaneq pillugu sumiginnaaneq angisoorujussuuvoq. Iluamik atortinneqanngikkunik inuaqatigiinnut akisoorujussuanngorsinnaasarpoq. Privatiniluunniit annertut ilai kinguneqartarput sulisinnaajunnaarnermik, taamaasilluni sulisinnaajunnaaraangamik inuiaqatigiinninngaanniit aningaasartuutigineqalersarput.

- Ajutoornerit pinaveersaartinniarlugit isumannaallisaaneq isumagineqartussaavoq. Sulisitsisut sumiginnaasut tassaapput oqaannarsinnaavunga: Sussarinngilaat sulisutik, suligunik naammappoq, anneraluallarunik sussa.

Beathe Hendriksen oqarpoq SIK-mit oqaloqatigisartakkatik tassaanerusut sulinermi ajutooreerlutik siunnersortikkusuttut.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat