Sulisitsisut Peqatigiiffiat 40-liivoq

oktobarip 20-at 2006 15:43

Sulisitsisut Peqatigiiffiat ullumikkut ukiunik 40-nngortorsiorpoq. Peqatigiiffik sanaartornermi suliffiutilinnit 1966-imi pilersinneqarpoq, taamanikkullu ateqarluni Assassornermi Suliffissuaqarnermilu Sulisitsisut Peqatigiiffiat.

Assassornermik aamma sanaartornermik ingerlataqartut suli peqatigiiffimmi pingaaruteqarluinnarput, maannali suliffeqarfiit allat inuussutissarsiornermik ingerlataqartut aamma ilaasortaapput. Sulisitsisut Peqatigiiffiata nunatsinni suliffeqarfiit assigiinngitsut 342-t ilaasortarai.

Nalliuttorsiorneq malunnartinniarlugu marsimi ataatsimeersuarnissap tungaanut ilaasortat ilaat ilisaritinneqassapput, assigiinngitsunillu aaqqissuisoqartassalluni.