Sulisitsisut isumasioqatigiit: Kalaallit suliffiutai nukittorsarniarpavut
Kalaallit Nunaanni inuussutissarsiornikkut pissutsit pillugit nalunaarusiornermik suliaqarpoq COWI Consult, Sulisitsisut Peqatigiiffiannik GA-mik sullissisoq.
Torben Søgaard Jensen, siunnersuisarfimmi COWI Consultimi pisortat ilaat isumaqatigiinneq pillugu ima oqarpoq:
Isumasioqatigiinnermi siunertanut ilaalluinnarpoq Kalaallit Nunaanni suliffissanik aatsitassarsiornermut, uuliasiornermut allamulluunniit tunngasumik pilersitsiniarnermi avataaninngaannit aningaasaliisussarsiorsinnaaneq. Tamanna nalunaarusiornitsinnut atatillugu misissuinitsinni pinngitsoorneqarsinnaanngitsutut nalilerparput. Jyllandip Avannarpasissuani Kalaallit Nunaannilu suliffeqarfiit ataatsimoorlutik suliassat piviusunngorsinnaasut nalilersorluartarumaarpaat. Piviusunngorsinnaava, immaqa naamik, kisianni ilimanarpoq piviusunngortitsisarumaartut, Torben Søgaard Jensen nassuiaavoq.
Arctic Business Network Sulisitsisut Peqatigiiffiata GA-p suleqataaffigisaa Katuami ullumi seminareqartitsivoq, taaguuteqartinneqartumik "Siunissami periarfissat pillugit suleqatigiinneq".
- Naak Kalaallit Nunaanni politikki ilisimasaqarfigivallaanngikkaluarlugu oqarsinnaavunga umiarsualiviliortitsinerni timmisartoqarfinnilu pilersitsiortornermi aningaasaliisoqarnissaq ilimanareersoq. Taakkulu suliarineqarnerini Kalaallit Nunaanni Jyllandillu Avannarpasissuani suliffeqarfiit suleqatigiissinnaakutsoorput, nassuiaavoq.
Isumasioqatiginneq Kommuneqarfik Sermersuumi borgmesterip nalunaaqutaq qulingiluanut tanneq qulingiluanut ullaaq ammareeraa Torben Søgaard Jensen saqqummiivoq.
- Jyllandip Avannarpasissortaani suliffeqarfinnik angisuunik mikisunillu nunarsuarmi sumiikkaluartunilluunniit suleqateqarnermik misilittagaqarput. Taamaammat Kalaallit Nunaanni suliffeqarfinnik suleqatigilikkatsinnik ikiuisinnaassaagut, nassuiaavoq.
- Ileqqoraarput sumiiffinni suleqateqalerfitsinni najukkani ineriartortitseqataasarneq allaallu nunarsuup sinnerani suliffeqarfinnik allanik suleqateqalersitsineq, COWI Consultimeersoq Torben Søgard Jensen oqarpoq.
Peqataasut ullup ingerlanerani suleqatigiinnut tallimanut agguataarneqassapput, piviusunik suleqatigiinnissaq attaveqarfiillu sunniuteqarluartut ineriartortinneqarnissaat oqaluuserineqassallutik. Silap pissusaanik qularutiginnittoq, Bjørn Lomborg, silap pissusaanut nammineq isummani pillugu ualeru kingusissukkut oqalugiassaaq.
