Sulisitsisut inuussutissarsiornikkut inuuniuteqartunit tapersersorneqarluarpoq
Kalaallit inuussutissarsiummik ingerlatallit peqatigiiffiat, Sulisitsisut, suliffeqarfiit tapersersortiginerpaasaasa ilagaat illuliornermi sanasut, niuernermik suliaqartut, innaallagialerisut aamma VVS-ilerisut, aalisartut, kiffartuussinermik assartuinermillu suliaqartut, aamma IT, attaveqarneq tusagassiivinnillu suliaqartut.
Suliffeqarfiit tapersersuinnginnerusut tassaapput sanaartorfiutillit, tunisassiortut aatsisassarsiortullu, suliffeqarfiimmi tamakkuninnga suliaqartut 42 procentiinnaat Sulisitsisunut ilaasortaapput.
-Misissuinerup taama inerneqarnerata takutippaa tassaagunartugut nunarsuarmi sulisitsisut sulianiaqatigiiffiini ilaasortaasinnaasut procentinngorlugit amerlanersaanik ilaasortaqartugut. Ukiuni kingullerni ilaasortanngortartut amerliartorluarsimapput, tamannalu nuannaarutigaarput, tassami sulisitsisut suliniaqatigiiffianut ullutsinnut naleqqussarsimasumut pisussaaffiliinernik naammassinnittarnitsinnut takussutissatut tigugatsigu, taama Sulisitsisut siulittaasuat Henrik Sørensen oqarpoq.
Kalaallit inuussutissarsiummik ingerlatallit qanoq amerlatigisut Sulisitsisunut ilaasortaanersut qulaajarniarlugit misissuititsissallutik Sulisitsisut qanittukkut aalajangerput.
-Ilaasortat amerlinerat aamma inuiaqatigiinni allannguinissat annertuut atuutsillugit ataatsimoornissap pisariaqarneranut takussutissaavoq. Nakuussuseq angusimasarput tulluusimaarutigaarput, peqatigisaanilli ilisimaarilluarlugu tamanna inuussutissarnikkut atugassarititaasut – taamalu aamma inuiaqatigiit tamakkerlugit - eqqummaariffigittuarnissaannik pisussaaffiliisoq, taama Henrik Sørensen naqissusiivoq.
