Sulisitsisut akileraartarnerat nakkutigineqanngilaq

Kalaallit Nunaanni sulisitsisut 1000-it missaanniittut akileraarutitigut akiitsui amerleriapiloorsimapput, sulisitsisut akileraarutinik minnerpaamik 300 millionit koruunit akiitsoqartut, Inatsisartut aningaasanut ataatsimiititaliaata naalakkersuisunut allakkatigut nassiussaanni, tamanna takuneqarsinnaavoq.
Allattoq Lotte Holm
marsip 13-at 2009 11:21

Akiitsut taama amerlatigilernerannut pissutaatinneqarpoq, akileraartarnermut aqutsisoqarfiup sulisitsisunik nakkutiginninnerata unitsinneqarnerata kingorna. Akileraarutinik akiliisitsisarneq ukioq 2007 qitiusumit ingerlanneqalerpoq. Akileraarutinik Aqutsisoqarfiup pisortaa Claus S. Jensen oqarpoq sulisitsisut akiitsoqarnerannut nunarsuarmi aningaasarsiornikkut ajalusoornermut ilaatigut pissutaasoq.

Annaasat sapinngisamik killilersimaarnissaat Aqutsisoqarfimmit maanna suliniutigineqarniarpoq, tassami aningaasarsiornikkut ajaluusoornerup kinguneranik suliffeqarfiit ilaat matuinnartariaqarsinnaammata:

- Akiitsummi amerliartuinnavissimapput, uagullu pisortat suliffeqarfiattut akiligassat pissutigalugit annerusumik annaasaqannginnissap qulakkeernissaa isumagisassaraarput, Claus S. Jensen Radioaviisimut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq