Sulisitsisoq akiliiumanngitsoq SISA-p suliakkiutigilerpaa

decembarip 03-at 2004 15:45

Soraarnerussutisiallit aningaasaateqarfiannut SISA-mut akilersuinissamut maleruagassanik sulisitsisut namminersortut unioqqutitsisarsimasutut Sulinermik Inuussutissarsiuteqartut Kattuffiata pisuutippai.

SIK-p siulittaasua Jess G. Berthelsen naliliivoq, soraarnerussutisiassat 15 %-ii angullugit ajornartorsiutigineqartut.

- Namminersorlutik suliffiutillit ajornartorsiutigaagut, sulisitsisorlu ataaseq SISA-mut akiliineq ajortoq eqqartuussivilersuunniarlugu maanna piareersarpugut. Jess G. Berthelsen nassuiaavoq.

Sulisitsisut Peqatigiiffiat GA isumaqarpoq, ingasattajaaraluni pisuutitsiniartoqartoq.

- Kisitsisit eqqunngillat, GA-p pisortaa Ole Rud oqarpoq.

Aamma oqarpoq, sulisitsisut peqatigiiffiata sulisitsisut SISA-mut akilersuisussaatitaanerannik eqqaasittarai.

- Ajornartorsiuteqartoqarpat SIK-p saaffigisinnaavaatigut, suliffeqarfimmilli aalajangersimasumik suli taasisoqanngilaq. Ole Rud erseqqissaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk