sulisinnaarnersiutit aappaagu qaffassapput

Utoqqalinersiutit sulisinnaajunnaarnersiutillu qaffanneqarsinnaanerat pillugit Inatsisartuni ualimut oqallinnermi Naalakkersisooqatigiit illuatungiliuttullu assortuutivissorput.

Siumup utoqqalinersiutit pitsaaneruleqquai, kisimiittunut, aappaqariinnut katissimasunullunniit utoqqalinersiat tunngaviusut annerpaat assigiimmik atuutilersillugit.

Aamma inooqatigisap aapparisalluunniit isertai apeqqutaatillugit utoqqalinersiat ikilisarneqartarunnaasssasut, Siumup kissaatigaa.

Taama pitsanngorsaasoqarnissaa januaarip aallaqqaataani 2011 atuutilissasoq, Siumut siunnersuutigaa.

Sulisinnaajunnnarnersiutillit qaffaaffigineqarluarnissaat Siumup aamma siunnersuutigaa. Tasa dulisinnaajunaarnersiutit kisimiittut utoqqalinersiutaasut amerligilissasut, tamarmik immikkut ukiumut 116.600,00 koruninik ukiortaamiik pensioneqartussanngorlugit siunnersuuteqarput.

Taama qaffaaneq 204,4 millioni koruuninik naleqarsinnaavoq.

Utoqalinersiutilinnut tunngasumik siunnersuumminnut assigusumik aamma siunnersuutigaat, sulisinnaajunnarnersiutit aapparisap inooqatigisalluunniit isertitai tunngavigalugit ikilisarneqartassanngitsut.

Siunnersuutilli imaaliinnarlugit ilalerneqanngillat. Inuiaqatigiinnit sanngiinnerpaat atugaasa pitsanngorsaavigineqartariaqarnerannut Naalakkersuisooqatigiit isumaqataagaluarput.

Kisianni eqqarsaatigilluakkamik, pensionisiallillu inuuniarnikkut atugaat tamaasa qissimigaarlugit tamanna pisariaqartoq partiit Naalakkersuisuutitaqartut isumaqarput. Taamaammat pensionit pillugit 2007-mi iluarsaaqqinnermi allannguutit akileraartarneq atugarissaarnerlu pillugit ataatsimiititaliarsuarmit misissorneqassasut, Naalakkersuisut oqarput.

Tassalu Inatissartut avissaangapput. Siumup allannguutissatut siunnersuutitik ataatsimiititaliami erniinnaartumik suliarineqassasut piumasaraat.

Naalakkersuisuutitaqartulli amerlanerussuteqarput, utoqqalinersiutillu qaffanneqarnissaannik apeqqutit akileraartarnermut atugarisaarnrmullu ataatsimiititaliarsuup misissuereernissaanut utaqqitinneqassapput.

Naalakkersuisuutitallilli illuatungiliuttut naaperiarpaat. Tassa Sulisinnaajunnaarnersiutit aappaagu juulip aallaqqaataanit 13 procentimik qaffassapput. Sulisinnaajunnaarnersiutit kisimiittunut qaammamut 1000 koruuningajammik qaffassapput, aappariinnut 1400 koruninik qaffassallutik.

Aammali sulisinnaajunnaarnersiutillit, manna 2500 missaanniittut, atugaat akileraartarnermut atugarisaarnermullu ataatsimiititaliarsuarmit misissuiffigineqassapput.

Aappariik utoqqalinersiutillit aappaa toqqukkut qimaguppat, taassuma utoqqalinersiutai uiallartup nuleertulluunniit qaammatini marlunni pisassagaat, Inuit Ataqatigiiniit siunnersuutigineqartoq, isumaqatigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat