Sulisinnaannginnermut uppernarsaatit Demokraatinit atorunnaarsinniarneqarput
Nakorsat sulisinnaannginnermut uppernarsaatinik immersuisarunnaarnissaat Demokraatinit anguniarneqalerpoq. Apeqqutip peqqissutsimut ataatsimiititaliami tuaviortumik eqqartorneqarnissaa, Astrid Fleischer Rexip sulissutigilerpaa.
Allattoq Jaaku Lyberth
Nuummi nakorsiartarfimmi nakorsat sulisinnaannginnermut uppernarsaatinik immersuinermut piffissaq annertooq atortarpaat, piffissarlu inunnut napparsimasunut atorusunnerungaat, Nuummi nakorsiartarfiup pisortaa Jesper S Olesen, sapaatip akunnerani kingullermi oqarpoq.
Tamanna Demokraatinit taperserneqarpoq, peqqissutsimullu ataatsimiititaliami tuaviortumik eqqartorneqarnissaa kissaatigineqarluni.
Demokraatit sinnerlugit inatsisartuni ilaasortaq Astrid Fleicer inassuteqarpoq.