Sulisilluni ajoqusernerit pillugit suliat internettikkut malittarineqarsinnaanngorput
Ajoqusertup sulisilluni ajoqusernini pillugu suliap allornikkaarlugu malinnaaviginissaa periarfissarilerpaa, nakorsat immikkut ilisimasaallit nalunaarusiaat, suliamillu paasissutissat allat, atuarsinnaalerlugit, Sullissiviup Nuummiittup pisortaa, Kristina Nordby Rachlitz, oqarpoq.
Kalaallit innuttaasut ataasiakkaat suliap imminnut tunngasup oqaatsit paasilluarnerusinnaasatik atorlugit malinnaavisinnaanngormatigik, Danmarkimi Arbejdsskadestyrelsep, tassanilu pisortap, Anne-Marie Rasmussenip, nuannaarutigaat.
- Tamanna innuttaasunut ataasiakkaanut tamatumuuna toqqissisimanarnerulersinnaavoq paasiuminarnerullunilu, Anne-Marie Rasmussen oqarpoq.
"Suliaq Takujuk" ulloq unnuarlu nalunaaqquttap-akunnerini 24-ni iserfigineqarsinnaavoq.
Ajoqusertup suliaq imminut tunngasoq eqqissilluni misissorsinnaaguniuk, paasissutissat amigaateqarsorisani Sulisilluni Ajoqusernerit pillugit Sullissivimmut pineqartup nammineerluni nassiussinnaavai. Sullisseriaaseq ilautsilluareerpoq, Danmarkimi "Se Sag", "Suliaq TakuJuk" qaammammut 40.000-init iserfigineqartarpoq.
