Sulisilluni ajoqusernerit nalunaarutigineqarnerulersimapput
- Tamanna ilaatigut pissuteqarpoq suliakkiissutinik sulinerup pitsanngortinneqarneratigut sulisullu pikkorissarneqarnerisigut.
Sulisilluni Ajoqusernerit pillugit Sullissivimmi Nuummiittumi pisortaq, Kristina Nordby Rachlitz taama oqarpoq.
Ajoqusernerit pillugit sullissineq 2010-imi ulluni 400-ni pisartoq 2012-imi ulluni 195-ini sivisussuseqalersimasoq, Sulisilluni Ajoqusernerit pillugit Sullissivimmit 2012-mi nalunaarusiami atuarneqarsinnaavoq.
Sulisilluni ajoqusernerup kingorna aningaasanik taarsiivigineqartut amerleriarsinmapput. Ajutoornerit soorlu kilernerit, oqimaatsunik nanertinnerit, ammikkut nappaateqalernerit aamma anersaartorniarnikkut ajoquteqalernerit taarsiivigineqartalersimasut, Kristina Nordby Rachlitz oqaluttuaraa.
Sulisilluni ajoqusernernik nalunaaruteqarnerulernitta kinguneraa suliassat amerleriarujussuarneri aamma suliakkiissutinik amerlanerneq itigartitsisalersimanermik tamanna kinguneqarluni, Suliakkiissutit siorna itigartitsineqartut 40 procentiusut ukiut pingasut matuma siorna taamaallaat 24 procentiupput
Sulisilluni ajoqusernerit nalunaarutigineqartarneri amerleriarsimagaluartut, nalunaarutigineqartut amerlagaatsiartut itigartitsinermik kinguneqartartut, Kristina Nordby Rachlitz-ip oqaatigaa tamannalu ima nassuiarlugu.
- Paasisitsiniaasarneq ukiuni kingullerni arlalinni pitsaanerulersimavoq, paasisitsiniaaneq ajoqusernernut assigiinngitsunut tulluussagaalluni, taamaalilluni ajoqusernup kingorna nalunaaruteqartut amerlisimallutik. Nalunaarutigineqartartut amerlinerisa ilutigisaanik ajoqusernerit siornatigut nalunaarutigineqarneq ajortut nalunaarutigineqartalersimapput, taamaasilluni itigigartitsinerit aamma amerleriarsimallutik.
Sulisilluni Ajoqusernerit pillugit Sullissivimmi Nuummiittumi pisortaq, Kristina Nordby Rachlitz taama oqarpoq.
Taassuma ilanngullugu oqaatigaa, sulisilluni ajoqusernerit pillugit inatsit ukiuni 2010-miit 2012-imut allanngortinneqarsimanngitsoq aamma oqaatigalugu, itigartitsinerit 4 procentiisa missaanniitut suliareqqitassanngortinneqartartut.
Sulisilluni Ajoqusernerit pillugit Sullissivimmi sulisut Nunatsinni illoqarfiit nunaqarfiillu 19-nit ulluni 14-ini tikeraaqqammerpaat taakkunani paasisitsiniaallutik.
