Sulisartut piginnaasaat misissorneqarput
Inuussutissarsiornermut Suliffeqarnermullu Naalakkersuisoqarfiup Kommune Kujallermi misissuisitsinerani inuit 60-it sinnillit piginnaasatik nalilertippaat.
Nalilertinneq ilinniarfinnik suleqateqarluni suliaavoq, tassani ilinniagassamik naammassinninniarnissamut pikkorissarnerit sorliit amigaatigineqarnersut paasineqartarlutik.
Inuussutissarsiornermut Suliffeqarnermullu Naalakkersuisoq Ove Karl Berthelsen misissuineq pillugu ima oqarpoq:
- Misissuinermi suliaqartut annertuumik ilisimasaqalerlutillu piginnaaneqalerput, inunnut ataasiakkaanut, aamma nunami suliffeqarfinni, atorneqarsinnaasunik. Taamatut suliniuteqarnerup siunertaraa sulisartup ilinnialeruni ilinniakkaminik naammassinninniarnermini pikkorissarnerit sorliit amigaatiginerlugit paasisinnaalissammagu, Ove Karl Berthelsen oqarpoq.
Suliniutip taassuma nunap sinneranut siammarternissaa maanna pilersaarutaavoq.
