Sulisartut Højskoleat nutaamik umiarsuaarartaalerpoq
Sulinermik Inuussutissarsiuteqartut Kattuffiat Qaqortumilu Sulisartut Højskoleat suleqatigiillutik ilaasortamik, takornariat kujataamiullu imaatigut angallanneqartartut appagumiit nutaamik angallattalernissaat pilersaarusiorpalulerpaat.
Sulisartut Højskoleata angallataa Tikeraaq 25 –nik ilaasoqarsinnaasoq pisoqalivoq nutaamillu taarsertariaqalerluni. EU-mi malittarisassat naapertorlugit umiarsuaaraq 12-nik amerlanerusunik ilaasoqarsinnaasoq sisaasariaqarpoq. Angallat taamaattoq 4 – 5 mio. koruuninik akeqarpoq, taannali akissaqartinneqanngilaq. Taamaattumik Jess G. Berthelsen –ip politikkikkut aaliangiisartut aqqutigalugit immikkut akuersissuteqarnissaq anguniarnialerpaa, Højskole glasfiberimik angallatitaarniassammat.
-Soorunami EU –p malittarisassai avaqukkuminaassapput nunat tamalaat malittarissassarimmagit. Kisianni siullermik EU –mut nunarput ilaasortanngimmat aappassaanillu 5 mio. koruuninik aningaasartuuteqarnissaq ajornakusoortorujussuummat, Jess G. Berthelsen –ip erseqqisarpaa. Taamaattumillu Naalakkersuisunut saaffiginnissuteqarnialersaarput glasfiberimik sanaamik 25 -30 –nik ilaasoqarsinnaasumik angallatitaarnissaminnut imaluunniit Naalakkersuisut sulissuteqaqqullugit qinnuvigineqassasut, Jess G. Berthelsen oqarpoq, isumaqaramik isumannaatsumik glasfiberimik angallassisoqarsinnaasoq.
Tikeraaq massakkut Qaqortumi angerlarsimaffilik Sik –p ilaasortaanit takornarianillu iluaqutigineqarnerata saniatigut Arctic Umiaq Line –mit Qaqortup Kommuniallu attartorneqartarpoq.
