Sulisartut 50-it pillarneqartut

Neqi A/S –ip savaaqqanik savanillu septembarimi oktobarimilu Narsami toqoraanerani sulisut suliartunngitsoortartut 50 -it, oktobarip qaammataani kommunimiit ikiuutisisinnaajuunnaarsillugit mattunneqarsimapput.
Allattoq Elisa Isaksen
novembarip 08-at 2007 10:58

- Sulisut suliffimminnik qimatsiinnartut isumaginnittoqarfimmi suliffissaaruttutut qammammi tassani naqitsisinnaanngillat. Ikiuutisissagunillu sapaatip akunneranut tunniunneqartartut affaat 325 koruuniusut taamaallaat pissarsiarisinnaavaat, taama nassuiaavoq Louise Mølgård Motzfeldt Narsap Kommuniani Suliffissaqartitsiniarnermi Pisortaasoq.

Aappaagu Neqi A/S –imi sulisussat qulakkeerniarlugit Narsap Kommuniani Inuussutissarsiornermi Suliffissaqartitsinermilu ataatsimiititaliap pilersaarutigaa Polenimiunik sulisussanik tikisitsinissaq.

- Inuit taama amerlatigisut Narsami eqqorneqassammata qanoq iliorsinnaanerluta oqaluuserisariaqassavarput, taama oqarpoq Isak Nielsen Kleist, Namminersornerullutik Oqartussani Suliffeqarnermut Pisortaqarfiup immikkoortuani pisortaasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq