Suliniutit angisuut pillugit inatsit akuerineqarpoq
Inatsit, namminersorneq pillugu inatsisip kingorna Danmarkimi Nunatsinnilu pingaarnerpaatut taaneqartoq taasissutigineqarmat akerliusoqarani akuersissutigineqarpoq.
Allattoq Peter Troelsen, Simon Uldum
decembarip 07-at 2012 14:50
Suliniutit angisuut pillugit inatsit taasissutigineqarmat, ilaasortat 13-it akueralugu taasipput, Kalaallit Nunaatalu suliniutinut angisuunut sanaartorneqarnerminni 5 mia. kr.-it sinnerlugit aningaasartuuteqarfiusunut alloriarneq siulleq pivoq. Taasissutigineqarnissaa sioqqullugu oqallinneq sakkortusimavoq isumakkersimasaffiusarlunilu, maannali inatsit akuersissutigineqareermat Nunatsinni naalakkersuinermik suliaqartut torersumik oqaloqatigeeqqissinnaanngorput. Siumulli Inatsisartunut qinersinermi, 2013-imi juunip aallartinnginnerani ingerlanneqartussami, amerlanerussuteqalissagunik inatsit allanngortinniarlugu Nunatsinni innuttaasunut neriorsuutigaat.
