Suliniutit angisuut pillugit apeqqutissarpassuit

Inatsisissatummi siunnersuummut apeqqutinik qalaarpoq. Maannamut apeqqutit 79-it tunniunneqareerput.

Kalaallit Nunaannut tunngasunut ataatsimiititaliaq apeqqutissaqarnerpaavoq, aammali Sara Olsvig, Søren Espersen Dansk Folkepartiimeersoq, Finn Sørensen Enhedslistenimeersoq Annette Vilhemsenilu SF-imeersoq apeqquteqaatiminnik atorfillit sulisippaat.

Sara Olsvigip apeqqutaasa ilagaat inatsisimut oqaaseqaammi saffiugassat qaqutigoortut pillugit immikkut piumasaqaatinut tunngasut. Søren Espersenip aatsitassarsiorfinni sulisut atugassaat soqutiginerugaa – sumi najugaqassappat, qanoq angallanneqassappat, napparsimalissagunillu sumi passunneqassappat, nunamullu qimaasutut isernissamik qinnuteqarsinnaassappat ilaquttariinnillu ataatsimut pisitsinissamik qinnuteqarsinnaassappat?

Annette Vilhelmsenip paaserusutaasa ilagaat qanoq isilluni akikinaaralutik sulisitsisoqannginnissaa avaqqunniarneqarnersoq. Danmarkimi Kalaallit Nunaannilu pisortaqarfiit inatsisiliornermi suleqatigiinnerminni nutserinermilu piffissaliunneqartut malinnerunissaannut Inatsiseqarnermut ministeri qanoq iliortassanersoq apeqqutigaa.

Inatsisissatut siunnersuut juunip sisamaani aappassaaneerneqassaaq.