Suliniutit 26-t Inuunerittamit tapiiffigineqartut
Suliniutit meeqqanik, inuusuttunik ilaqutariinnillu ukkassisut ukioq manna salliutinneqarput.
Peqqissutsimut Naalakkersuisup, Agathe Fontainip, Aningaasaateqarfimmit Inuunerittamit 279.000 kr. agguaateqqammerpai.
Suliniutit meeqqanik, inuusuttunik ilaqutariinnillu ukkassisut ukioq manna salliutinneqarput.
Suliniut TIMIGA, nakorsanngornianit peqqissaasunngornianillu ingerlanneqartoq, paasissutissanik peqqinnarnerusumillu inooriaaseqalernissamut nappaatinillu qanoq pinaveersaartitsisinnaanissamut ilisimasanik siammarterissamut suliniuteqartussaq taperneqarpoq.
Sisimiuni hashimik cigaretsinillu pujortartarnermik pinaveersaartitsinermut aamma tapiisoqarpoq. Suliniummi inuusuttunik ilinniarfeqarfinnillu assigiinngitsuni ukkassisoqassallutik.
Paamiuni ikorfartoqatigiit siorna pilersinenqartoq imminut toqunnissaq akiorniarlugu pitsaaliuinermik ukkassisut aningaasaliiffigineqarput.
Nunaqarfimmi Nutaarmiuni meeqqanut pinnguatarfiliornissamut aamma tapiisoqarpoq.
- Nuannaarutigaara Inuunerittamut qinnuteqarnissamut soqutiginnittoqarluarmat, tamatuma takutippaa nunatsinni peqqinnerulernissamut suliniuteqarusuttoqarmat, Peqqissutsimut Naalakkersuisoq Agathe Fontain oqarpoq.