Suliniut angisooq pillugu isumaqatigiissut atsioqatigiissutigineqarpoq
London Miningip Namminersorlutik Oqartussallu isumaqatigiissummik atsioqatigiissuteqarnerisigut Nunatta oqaluttuarisaanerani suliniutit angisuut pillugit isumaqatigiissutit siullersaat ullumi ullaap tungaani pivisunngorpoq.
![](/sites/default/files/styles/image_934x467/public/article_images/img_0757.jpg?itok=4zrJxsxm)
Allattoq Peter Troelsen, Simon Uldum
London Miningip atuinissamut akuersissummik sivisuumik utaqqisimasaminik maanna tunineqarpoq, taamaasillunillu siunissami Nuup Kangerluani Isukasuani saviminissamik piiaasinnaanngussalluni. Aatsitassanut Naalakkersuisup Jens-Erik Kirkegaardip Graeme Hossiellu London Miningimeersup isumaqatigiissut atsiorpaat, suliniutillu angisuut Nunatsinni siullersaat piviusunngorluni.