Sulinerup nuannersuunissaa pingaartinneqarneruvoq
Sulineq nuannersuussaaq inuttullu unammillernartuussalluni. Qangaanerusumulli naleqqiullugu, inueqatigiinnut sullissisuunissaq apeqqutaavallaanngitsoq Danmarkimi misissuinerit takutippaat.
Allattoq Apollo Jeremiassen
januaarip 16-at 2011 15:20
Danskit sulinermik nuannarinninnerat Atugarissaarnermut Misissuisoqarfimmi ”Det Nationale Forskningscenter for Velfærd”-imi ukiuni kingullerni 30-ni misissorneqarpoq.
Misigissutsikkut pingaartitat suliffiup nuannersuunissaanik aalajangiisuulesimasut, sociologi Frederik Thuesen DR-imut oqarpoq.
- Suliffigisami akisussaaffeqarnissaq orniginarnerulersimavoq
taamatuttaaq suliap pingaaruteqartuunissaa minnerunngitsumilli soqutiginarlunilu nuannersuunissaa pingaartinneqarnerulersimalluni. Taamaalilluni inuiaqatigiinnut sullissisuunissaq apeqqutaavallaarunnaarluni, Frederik Thuesen oqarpoq.
Inuiaqatigiinnut sullissisuunissamik pingaartitsisut affaannanngorsimasut misissuinermi aamma paasineqarpoq.
