Sulinermi ajoqusernernut pitsanngoriaatissat arlallit nunatsinni atuutilersinniarneqarput

Nunatsinni sulisartut sulitillutik ajoquserunik periarfissarissaarnerulissapput. Aamma namminersorlutik suliffiutillit sulinermi ajoqusernissamut sillimmasersinnaalissapput.
aggustip 21-at 2007 16:51

Nunatsinni sulinermi ajoqusernernut pitsanngoriaatissat arlallit atuutilersinniarneqarput, taakkualu immikkut qaaqqusanut Katuami isumasioqatigiissitsinermi aggustip 22-anni 2007, tassa aqagu, saqqummiunneqassapput.

Nunatsinni pitsanngoriaatissat pingaarnerusutigut Danmarkimi sulinermi ajoqusernerit pillugit inatsimmut 2003-meersumut naapertuupput. Matumani pingaarnertut anguniarneqarluni sulinermi ajoqusernermik taaneqartartut nutaamik isigineqalernissaat, taamaalilluni ajoqusernerit nappaatillu amerlanerusut sulinermi ajoqusernertut isigineqarsinnaalerniassammata.

Naak sulisitsisoq sulinermi ajoqusernernut sillimmasiinissamut akiliisimanngikkaluartoq sulisut sillimmaserneqarsimapput. Taamaattumik sulisoq ajoquserpat taarsiiffigineqartussanngorpallu sulisitsisoq sillimmasiisimanngikkuni akileerujussuarsinnaavoq.

Pitsanngoriaatit 2008-mi januaarip aallaqqaataani atuutilernissaat naatsorsuutigineqarpoq, tassa Inatsisartuni tusarniaassutigineqareerpata, suliarineqareerpatalu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq