sulinerit naammassilluinnalerput
Suleqatigiit arfineq marlunnik inuttallit tallimanngormalli Kangerlussuarmi ulappupput meeqqanut meeqqanullu paaqqinnittarfinnut tamanut tunngasut nutaanik peqqussutiliorlugillu nalunaarutiliornissaannut siunnersuusiorlutik.
Namminersornerullutik Oqartussani atorfillip Kunuunnguaq Fleischerip suliamik ullumikkumut naleqqiullugu allannguutissaat suunersut erseqqissumik oqaatiginianngikkaluarlugit nassuerutigisinnaanerarpaa inatsisit ullumikkut atuuttut kommunit kattussuunnissaannut tulluarsagaasut, meeqqallu ataasiakkaat pitsaanerpaamik ajunnginnerpaamillu ikorfartorneqarnissaat anguniarlugu suliaasut.
”meeqqeriveqarnerup aqunneqarneranut tunngasut taakkua aammalu angajoqqaat oqartussaaqataanerannut tunngasut taakkua pisariillisaaffigineqartunut ilaammata taavalu aamma soorunami perorsaariaatsit ullumikkut atorneqartut soorunami aamma eqqarsaatigalugit tassani aamma pisariillisaaneq aamma ersarissutut aamma oqaatigisinnaaneqarumarpoq. ”
Namminersornerullutik Oqartussani atorfilittat siunnersuutaasut massakkut misissorluassavaat tamatumalu kingorna april majimi peqqussutissat nalunaarusiassallu nutaat tusarniaatigineqartussaapput.
Kunuunnguaq Fleischerip naatsorsuutigaa peqqussutit nalunaarutillu ilaat ullumikkut atuuttunit naalisarneqartussaasut pisariillisarneqartussaallutillu.
Ukiarulu inatsisartut inatsisissat nutaat suliaralugillu akuersissutigissagaat naatsorsuutigineqarpoq.
