Sulillutik ajutoortartut amerlapput

Sulitilluni ajutoortarnerit amerliartuinnarsorinarput. Siornaak 2004-p siornalu 2005-ip akornanni sulitillutik ajutoortut 14 procentimik amerleriaateqarsimapput, sulitillunilu annertuumik ajutoortornerit 15 procentimik annertuseriaateqarsimallutik.

Kisitsisit saqqummiunneqartut amerlanerujussuusinnaanissaat Sullivinnik Nakkutilliisoqarfimmit eqqoriarneqarpoq.

Sulitillutik ajutoortartut nalunaarsorneqarsimasut marloriaataattut amerlassuseqassangatinneqarlutik.

Sulitilluni ajutoornerit amerlisimanerannut nakkutiginninniarnerulersimaneq aamma pissutaasinnaasoq Sulisitsisut Peqatigiiffiannit eqqoriarneqarpoq.

Umiartortut ajutoortarneri Sullivinnik Nakkutilliisoqarfimmut nalunaarutigineqarneq ajorput, tamannalu pissutigalugu nalunaarsorneqarsinaasaratik.

Nunatsinni siorna sulitillutik ajutoornerit 299-it nalunaarutigineqarsimapput, nalunaarutigineqartunit marluk sullivimminni ajunaarsimallutik.

Sulitilluni ajutoornerit 1997-imili naatsorsorneqartalernikuupput, naatsuisarnerillu takutippaat sulitilluni ajutoornerit 1998-imi ikinnerpaasimasut. Siorna 299-nik sulitilluni ajutoortoqarsimavoq.