Suliffitsialammik toqqaasoqaqqittussanngorpoq
Nunatsinni suliffitsialaap toqqarneqarnissaanut Suliffigissaasut kingumut unammisitseqqilerput.
Nunatsinni suliffiit suliffigiuminartut toqqarneqartarnerat ukiut tallimassaa ingerlanneqarpoq.
Ukioq-manna suliffistialammik toqqaanissami siunnersuutit kingusinnerpaamik novembarip aallaqqaataani siunnersuutigineqareersimassapput. Suliffiit toqqarneqarsinnaasut pisortat namminersortulluunniit suliffiutigisinnaavaat.
Suliffigissaasut suliffitsialammik toqqaasarnerminni toqqammavagigajuppaat suliffiit atugaasa minnerunngitsumillu suliffinni sillimaniarnerup pitsaalluinnarnissaa.
Nuummi utoqqaat illuat, immap pisuussutaanik tunisassiortut Polar rejer kiisalu pinngortitaleriffik suliffitsialattut siorna toqqarneqarput.
Suliffinni sulisut pisortaasalu suleqatigiinnermikkut suliffiup suliffittut sulisutullu suliffigiuminartuunissaa siorna toqqarneqartut suliarisimavaat.
