Suliffitsialak 2004

Polar Raajat, ukiup suliffitsialaatut toqqarneqartut pingasut ilagaat. Suliffeqarfik ukiut arfinillit matuma siorna ammarpoq, 60-illu missaani sulisoqarluni.

Polar Raajani sulisut sinniisaat, Karen Davidsen toqqarneqarnertik pillugut imaoqarpoq:

- Suleqatigiiulluta nuannersorujussuarmik suleqatigiittarpugut,- immitsinnut qiimmassaqatigiilluta, erinarsuataaqatigiittarluta illarsaqatigiittarlutalu. Sunngiffitsinni aamma suliffitta periarfissaqartittarpaatigut, soorlu arsaqatigiinnissamik, bowleqatigiinnissamik piumasullu aamma nalugiarsinnaallutik.

Sulisut ataannarnissaannut sulissuteqartuarnissaminnut, suliffitsialattut toqqarneqarnertik atorsinnaallugu aamma Karen Davidsen oqarpoq.

Suleqatigiilluarneq minnerunngitsumillu suliffeqarfiup sulisuminut ataatsimuualaartitsinissamik periarfissaqartitsinera, Polar Raajat ukiup suliaffitsialaatut toqqarneqarneranut tunngavilersuutinut ilaasut, suliffigissaasunit, Ulla Lynge oqarpoq.

Toqqagaasut allat tassaapput, Pinngortitaleriffik kiisalu utoqqaat illuat.