Naatsorsueqqissaartarfiup kisitsisit saqqummiussai naapertorlugit suliffissarsiortutut nalunaarsukkat 2017-imi juulimili ikiliartuinnarput.

Suliffissarsiortutut nalunaarsukkat ikiliartortuarsinnartut

Maniitsumili Sisimiunilu suliffissarsiortutut nalunaarsukkat amerleriarsimapput.

Nunatsinni suliffissarsiortutut ukiormanna februaarimi nalunaarsukkat 2.074-inik amerlassuseqartut, ukiup siuliani nalunaarsukkanut sanilliullugit 163-inik ikinnerupput.

Kalaallit Nunaanni naatsorsueqqissaartarfiup kisitsisit saqqummiussaanni takuneqarsinnaavoq.

Suliffissarsiortutut nalunaarsukkat 2017-imi juulimili ikiliartuinnarput, tassa ukiuni kingullerni pingasungajanni ikiliartuinnarsimallutik.

Angutit arnanut sanilliullugit suliffissarsiortutut nalunaarsorneqarsimasut amerlanerupput.

AAMMA ATUARUK Suliffissarsiortut Ilulissani takornarianut issiaartarfiliortut

Angutit arnanut sanilliullugit suliffissarsiortutut nalunaarsorneqarsimasut amerlanerupput. Tamatuma saniatigut 50-it 54-illu akornanni ukiullit suliffissarsiortutut nalunaarsorneqarsimasut amerlanerpaapput 30-t 34-llu akornanni ukiullit nalunaarsorneqarsimasut tulliullutik.

Illoqarfiit ilaanni suliffissarsiortutut nalunaarsimasut ikileriarfiupput, ilaani amerleriartut.

Maniitsumili ingammillu Sisimiuni suliffissarsiortutut nalunaarsukkat amerleriarsimapput.

Sisimiuni suliffissarsiortutut nalunaarsukkat siorna februaarip qaammataani 172-iupput - massakkulli 240-llutik.

Uummannami Upernavimmilu aamma amerlerialaarsimapput. 

Kisitsisit tamatumunnga tunngasut Naatsorsueqqissaartarfiup nittartagaani takuneqarsinnaapput. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat