Suliffissarsiortut suli ikiliartorput
Novembarimi suliffissarsiortut 3.169-iupput. Ukiumut siulianut sanilliullugu 304-nik ikinnerullutik, Naatsorsueqqissaartarfik taama nalunaaruteqarpoq.
Ikileriaatit illoqarfinni anginerusuni pisimapput. Pingaartumik Nuummi suliffissarsiortut 238-nik ukiup siulianut sanilliullugu ikileriarsimapput.
Suliffissarsiortut ikileriarnerat talittarfissarsuup Nuummilu pinerluuteqarsimasunut inissiisarfissap sananeqarneranik patsiseqarpoq.
Nalinginnaasumik ukioqatigiiaat 20-30-nik ukiullit 45-55-lu ukiullit ikileriarnerusimapput.
Pingaarnerusumik 2015-imi qaammatit siulliit 2014-imut sanilliullugu suliffissarsiortukinneruffiusimapput.