Suliffissaaleqisut suli ikiliartortut

Suliffissarsiortut ikiliartuinnavissut naatsorsueqqissaartarfiup kisitsisaataanni saqqummiunneqaqqammersumi takuneqarsinnaavoq.
Assi © : KNR
Allattoq Jaaku Lyberth
juulip 16-at 2018 13:42

Juunip qaammataani inuit 2.135-it suliffissarsiortutut nalunaarsorneqarput.

Suliffissarsiorlutik nalunaarsimasut siorna qaammatip taamaalineranut sanilliullugit 399-nik ikinnerullutik. 

Suliffissarsiorlutik nalunaarsimasut Nuummi ikileriarnerpaapput, juunip qaammataani 427-it suliffissarsiorlutik nalunaarsimapput,  siorna ukiup taamaaliinerani 546-ullutik.  

Qasigiannguani, Qeqertarsuarmi, Uummannami Tasiilamilu suliffissarsiorlutik nalunaarsimasut aamma ikinnerulersimapput.  

Maniitsumi Aasiannilu suliffissarsiorlutik nalunaarsimasut amerleriarsimapput. 

Allaffissornikkut inatsisitigullu allannguinerit piffissap ingerlanerani suliffissarsiortutut nalunaarsuinernut sunniuteqarsinnaammata nalunaarsukkat ineriartornerat mianersortumik paasineqassapput, Naatsorsueqqissaartarfik tusagassiuutinut nalunaaruteqarluni taama  allappoq.

 
 

Aamma atuaruk